мая 2017 ~ ხორნაბუჯის საჯარო სკოლა

понедельник, 8 мая 2017 г.

ჩვენ ვსწავლობთ ბიბლიას

20 მარტს დედოფლისწყაროს მუნიციპალიტეტის სოფელ ხორნაბუჯის საჯარო სკოლაში ჩატარდა საქართველოს საპატრიარქოს ახალგაზრდული ცენტრის მიერ ორგანიზებული ინტელექტუალური თამაშის ,,ჩვენ ვსწავლობთ ბიბლიას“ ზონალური ეტაპი. ნახევარფინალის საგზურებისთვის ერთმანეთს შეხვდნენ ხორნაბუჯისა და საგარეჯოს მუნიციპალიტეტის სოფელ ნინოწმინდის საჯარო სკოლის გუნდები. ზონალური ტურის სამი რაუნდის შედეგების მიხედვით ნახევარფინალში გადავიდა სოფელ ხორნაბუჯის საჯარო სკოლის გუნდი ,,ხორნაბუჯი“ (ხელმძღვანელი ბერი ეგნატე (ლობჟანიძე), რომელმაც დაამარცხა მეტოქე ანგარიშით 16:12, ხოლო სოფელ ნინოწმინდის გუნდი ,,ჯვარი ვაზისა“ გადავიდა სანუგეშო ეტაპზე და კიდევ შეუძლია სცადოს ნახევარფინალში მოხვედრა.
ვულოცავთ სოფელ ხორნაბუჯის გუნდს და მის გულშემატკივრებს ამ გამარჯვებას და ვუსურვებთ, წარმატებით გამოსულიყოს ფინალურ ტურში.

გაზაფხული დადგაო

12:29 No comments

გაზაფხულის სილამაზეს მიუძღვნა ინგლისურის პედაგოგმა ნანა ლოლაშვილმა ღონისძიება, რომელიც ჩაატარა V - VI კლასებში. სცენაზე ყვავილების სუნი დატრიალდა : ვარდი, იასამანი, ზამბახი. . . და ასე ენაცვლებოდნენ პატარები ერთმანეთს და ყვებოდნენ გაზაფხულის ამბებს ინგლისურად. ლამაზ ფორმებში გამოწყობილებმა საინტერესოდ წარმოადგინეს ,,წითელქუდა".
გაზაფხულია!!!! გულიც სხვაგვარად ფეთქავს, უფრო აჩქარებით, სისხლი გამალებით ჩქეფს და რბის, როგორც ,,არაგვი არაგვიანი" და ბოლოს: გაიღიმეთ, ცხოვრება მშვენიერია!!!

სიყვარული აგვამაღლებს

12:27 No comments

სიყვარული კაცობრიობას ბავშვობის სიზმრებიდან მოსდევს. ადამიანი ცოცხალია მანამ, სანამ ბედნიერებას და სიყვარულს ეძებს. სიყვარული ძლიერია, როგორც სიკვდილი, მაგრამ მსხვრევადი - როგორც მინა. სწორედ ამის გამო შეიკრიბნენ X კლასელები დარბაზში, რომელიც ლამაზად გაეფორმებინათ კლასის დასმრიგებელ ნანა ყაჭაშვილთან ერთად. ერთმანეთს ენაცვლებოდნენ ლექსის თქმაში და სიმღერაში. მათ კარგად ჰქონდათ გათავისებული, რომ მხოლოდ სიყვარული რჩება სამარადჟამოდ, როგორც ბალახის ლორთქო ფესვები ამოგლეჯენ ქვიან ბალავერს, ასე ამოგიზგიზდება - ხოლმე ეს უკვდავი გრძნობა ადამიანის გულის სიღრმიდან და ათქმევინებს :
,,მე მიყვარს!.. მე ბედნიერი ვარ!.. "

ჩვენი ენა ქართული

08:46 No comments

ცოდნა ანთბულ სანთლს ჰგავს: ერთ სანთელზე რომ ათასს სხვა სანთლს მოუკიდო,სანთელს არც ალი დააკლდება, არც სინათლე, პირიქით, იმატებს კიდეც, რადგანაც ერთის მაგიერ ათასი სხვა სანთელი იმასთან ერთად დაიწყებს ლაპლაპს. სწორედ, ცოდნას და ქართული ენის სიყვარულს მიუძღვნა ღონისძიება IV კლასის ხელმძღვანელმა ციური მოსულიშვილმა.